छायाचित्र दालन

द्वारे फिल्टर

Vice Admiral Sanjay Vatsayan meets Governor

04.06.2026: व्हाईस ॲडमिरल संजय वात्सायन यांनी घेतली राज्यपालांची भेट

03.06.2026: राज्यपाल जिष्णु देव वर्मा यांच्या प्रमुख उपस्थितीत आज महाराष्ट्र लोकभवन येथे तेलंगणा राज्य स्थापना दिवस सांस्कृतिक कार्यक्रमांच्या माध्यमातून साजरा करण्यात आला. 'वर्मा फाउंडेशन' आणि 'फेडरेशन ऑफ तेलगू असोसिएशन ऑफ महाराष्ट्र' (F-TAM) यांच्या सहकार्याने आयोजित या कार्यक्रमात संस्थेतील काही कलाकारांनी लोकगीते लोकनृत्यासह सादर केली. विविध राज्यांमध्ये राज्य स्थापना दिवस साजरे केल्यामुळे त्या त्या राज्यांच्या संस्कृती व परंपरेचे दर्शन होते व त्यातून राष्ट्रीय एकात्मता बळकट होते असे प्रतिपादन राज्यपाल जिष्णु देव वर्मा यांनी यावेळी केले. कार्यक्रमाला राष्ट्रीय कंपनी कायदा लवादाचे (NCLT) माजी न्यायिक सदस्य न्यायमूर्ती (निवृत्त) मदन गोसावी, सुप्रसिद्ध चित्रपट निर्माते राम गोपाल वर्मा, वर्मा फाउंडेशनचे अध्यक्ष पी. यू. एन. वर्मा, 'मराठी-तेलगू मंच'चे संस्थापक आणि 'फेडरेशन ऑफ तेलगू असोसिएशन ऑफ महाराष्ट्र'चे अध्यक्ष जगन बाबू गंजी, राज्यपालांचे सहसचिव एस. राममूर्ती, राज्यपालांचे परिवार प्रबंधक डॉ. निशिकांत देशपांडे, नेल्लोर येथील 'नाट्यशिरोमणी' शेख नादिया, तसेच तेलंगणा आणि आंध्र प्रदेशातील विविध संस्थांचे सदस्य उपस्थित होते.

03.06.2026: राज्यपालांच्या उपस्थितीत महाराष्ट्र लोकभवन येथे तेलंगणा राज्य स्थापना दिवस साजरा

03.06.2026: भारताचे पहिले पॅरालिम्पिक सुवर्णपदक विजेते व सैन्य दलातील सेवानिवृत्त हवलदार पद्मश्री मुरलीकांत पेटकर तसेच ज्येष्ठ पत्रकार व संपादिका प्रीती सोमपुरा यांनी आज राज्यपाल जिष्णु देव वर्मा यांची लोकभवन, मुंबई येथे सदिच्छा भेट घेतली. यावेळी पद्मश्री मुरलीकांत पेटकर यांनी राज्यपालांना उज्ज्वला बर्वे लिखित त्यांच्या जीवन कार्यावर आधारित “योध्दा चँपियन मुरलीकांत पेटकर” तसेच त्याचा अनुवाद असलेले “The Murlikant Petkar Story: Defying the Bullet” ही पुस्तके भेट दिली. खेळाडू, मॅरेथॉन धावपटू आणि न्यूज १८ ग्रुपच्या वरिष्ठ संपादिका प्रीती सोमपुरा यांनी राज्यपालांना स्वलिखित ‘बचापोश’ आणि ‘चुलबुली जोया’ ही दोन पुस्तके भेट दिली आहेत.

03.06.2026: पद्मश्री मुरलीकांत पेटकर व ज्येष्ठ पत्रकार व संपादिका प्रीती सोमपुरा यांनी राज्यपालांना पुस्तक भेट दिले

02.06.2026:भारत दौऱ्यावर आलेले म्यानमारचे राष्ट्राध्यक्ष उ मिन आँग लॉन्ग व त्यांचे सोबत आलेल्या उच्चस्तरीय शिष्टमंडळाच्या सन्मानार्थ राज्यपाल जिष्णु देव वर्मा यांनी मंगळवारी (दि. २ जून) लोकभवन, मुंबई येथे स्वागत समारोहाचे आयोजन केले. यावेळी आयोजित स्नेहभोजनाला राज्यपालांच्या पत्नी सुधा देव वर्मा, मुख्यमंत्री देवेंद्र फडणवीस, अमृता फडणवीस, उपमुख्यमंत्री सुनेत्रा पवार, विधान परिषदेचे अध्यक्ष राम शिंदे, कौशल्य विकास मंत्री मंगल प्रभात लोढा, राजशिष्टाचार मंत्री जयकुमार रावल तसेच शासनाचे वरिष्ठ अधिकारी उपस्थित होते.

02.06.2026: म्यानमारच्या अध्यक्षांच्या सन्मानार्थ लोकभवन येथे स्वागत समारंभ; मुख्यमंत्री, सुनेत्रा पवार यांची उपस्थिती

02.06.2026: सध्या भारत दौऱ्यावर असलेले म्यानमार प्रजासत्ताकाचे राष्ट्राध्यक्ष उ मिन आँग लॉन्ग यांचे मुंबई येथील छत्रपती शिवाजी महाराज आंतरराष्ट्रीय विमानतळावर आगमन झाले. राज्यपाल जिष्णु देव वर्मा यांनी त्यांचे स्वागत केले. यावेळी राज्याचे राजशिष्टाचार मंत्री जयकुमार रावल हे देखील उपस्थित होते. म्यानमारच्या राष्ट्राध्याक्ष्यांच्या सन्मानार्थ राज्यपालांनी आज संध्याकाळी लोकभवन येथे स्वागत समारंभाचे आयोजन केले आहे.

02.06.2026: राज्यपालांनी म्यानमार प्रजासत्ताकाचे राष्ट्राध्यक्ष उ मिन आँग लॉन्ग यांचे मुंबई विमानतळावर केले स्वागत

01.06.2026: राज्यपाल जिष्णु देव वर्मा यांच्या प्रमुख उपस्थितीत आज महाराष्ट्र लोक भवन येथे सिक्कीम व गोवा राज्य स्थापना दिवस सांस्कृतिक कार्यक्रमांच्या माध्यमातून साजरा करण्यात आला. रतन टाटा महाराष्ट्र राज्य कौशल्य विद्यापीठाच्या सहकार्याने आयोजित या कार्यक्रमात विद्यापीठाच्या तांत्रिक व व्यावसायिक अभ्यासक्रमाच्या विद्यार्थ्यांनी सिक्कीम व गोवा राज्यांची लोकगीते लोकनृत्यासह सादर केली. विविध राज्यांमध्ये राज्य स्थापना दिवस साजरे केल्यामुळे त्या त्या राज्यांच्या संस्कृती व परंपरेचे दर्शन होते व त्यातून राष्ट्रीय एकात्मता बळकट होते असे प्रतिपादन राज्यपाल जिष्णु देव वर्मा यांनी यावेळी केले. कार्यक्रमाला कौशल्य विद्यापीठाच्या कुलगुरु डॉ अपूर्वा पालकर, राज्यपालांचे सहसचिव एस राममूर्ती, परिवार प्रबंधक डॉ निशिकांत देशपांडे व मुंबईत शिक्षण व्यवसायानिमित्त स्थायिक झालेले सिक्कीमचे लोक उपस्थित होते.

01.06.2026:- राज्यपालांच्या उपस्थितीत लोक भवन येथे सिक्कीम व गोवा राज्य स्थापना दिवस संपन्न

31.05.2026: राजमाता पुण्यश्लोक अहिल्यादेवी होळकर यांच्या जयंतीदिनानिमित्त राज्यपाल जिष्णु देव वर्मा यांनी लोकभवन मुंबई येथे अह‍िल्यादेवी यांच्या प्रतिमेला पुष्पांजली वाहून अभिवादन केले. यावेळी लोकभवनातील अधिकारी व कर्मचारी यांनी देखील पुण्यश्लोक अहिल्यादेवी होळकर यांना अभिवादन केले.

31.05.2026: राज्यपालांचे पुण्यश्लोक अहिल्यादेवी होळकर यांना अभिवादन

30.05.2026: इस्कॉनच्या भक्तिवेदांत कॉलेज ऑफ वैदिक एज्युकेशनतर्फे विकसित करण्यात आलेल्या समग्र कर्करोग उपचार पुनर्वसन केंद्र - ‘होलिस्टिक कॅन्सर हीलिंग रिट्रीट’चे उद्घाटन महाराष्ट्राचे राज्यपाल जिष्णु देव वर्मा यांच्या हस्ते आज खारघर येथील इस्कॉन मंदिर परिसरात संपन्न झाले. यावेळी राज्यपालांच्या हस्ते संगीतकार शशांक कट्टी यांनी तयार केलेल्या ‘कृष्ण संजीवनी’ या समग्र संगीत उपचार (Holistic Music Therapy) उपक्रमाचे संगीत ट्रॅक्स स्वरूपात लोकार्पण करण्यात आले. कार्यक्रमाला इस्कॉन मंदिर खारघरचे अध्यक्ष डॉ. सूर दास, माजी खासदार रामशेठ ठाकूर, माजी खासदार डॉ. सुनील गायकवाड, भक्तिवेदांत कॉलेज ऑफ वैदिक एज्युकेशनचे संचालक डॉ. वैष्णवांग्री सेवक दास तसेच इतर मान्यवर उपस्थित होते.

30.05.2026: इस्कॉनच्या भक्तिवेदांत कॉलेज ऑफ वैदिक एज्युकेशनतर्फे विकसित करण्यात आलेल्या समग्र कर्करोग उपचार पुनर्वसन केंद्राचे राज्यपालांच्या हस्ते उदघाटन

Governor presides over the Summit, jointly organized by Hetu Charitable Trust and the District Legal Services Authority in Mumbai

30.05.2026: राज्यपालांनी हेतू चॅरिटेबल ट्रस्ट व डिस्ट्रिक्ट लीगल सर्विसेस ऑथॉरिटी यांच्या संयुक्त विद्यमाने आयोजित दिव्यांग सक्षमीकरण परिषदेचे उद्घाटन केले

29.05.2026: राज्यपाल जिष्णु देव वर्मा यांनी पुरुषोत्तम मासानिमित्त जोगेश्वरी मुंबई येथे सुरु असलेल्या श्रीमद् भागवत कथा महायज्ञाला भेट देऊन उपस्थित भाविक श्रोत्यांशी संवाद साधला.
श्रीमद भागवत ही चारित्र्य संपन्न समाज घडविणारी कथा असून त्यातून आदर्श जीवन जगण्याचे मार्गदर्शन होते असे राज्यपालांनी यावेळी सांगितले. यावेळी राज्यपालांनी कथाकर्ता श्री महावीर शरण शास्त्री यांचा सत्कार केला तसेच श्रीमद्भागवत महायज्ञ आयोजक सावरकर फाउंडेशनचे अभिनंदन केले. यावेळी फाउंडेशनचे अध्यक्ष व नगरसेवक रुपेश सावरकर उपस्थित होते.

29.05.2026: राज्यपाल जिष्णु देव वर्मा यांची भागवत कथा महायज्ञाला भेट