30.01.2023: राज्यपालांच्या हस्ते डॉ. होमी भाभा राज्य विद्यापीठाच्या नवीन इमारतीचे उद्घाटन

30.01.2023: राज्यपाल तसेच राज्यातील विद्यापीठांचे कुलपती भगतसिंह कोश्यारी यांच्या हस्ते आज डॉ. होमी भाभा राज्य विद्यापीठाच्या नवीन इमारतीचे उद्घाटन करण्यात आले. यावेळी राज्यपालांच्या हस्ते डॉ. होमी भाभा यांच्या पुतळ्याचे अनावरण करण्यात आले. कार्यक्रमाला उच्च व तंत्र शिक्षण मंत्री चंद्रकांतदादा पाटील, प्रधान सचिव, उच्च व तंत्रशिक्षण विकास चंद्र रस्तोगी, विद्यापीठाचे कुलगुरु प्रा. राजनीश कामत, कुलसचिव प्रा. युवराज मलघे, माजी विद्यार्थी संघटनेचे एन. व्ही. ठक्कर, विविध विद्याशाखांचे अधिष्ठाता, विद्यापीठ समित्यांचे सदस्य व प्राध्यापक उपस्थित होते.