22.10.2023 : रामकृष्ण मठातर्फे आयोजित दुर्गा पूजेला राज्यपालांची भेट

22.10.2023 : दुर्गाष्टमी निमित्त राज्यपाल रमेश बैस यांनी खार मुंबई येथील रामकृष्ण मठ व मिशनतर्फे आयोजित दुर्गा पूजा उत्सवाला भेट देऊन ‘संधी पूजा’ केली. यावेळी राज्यपालांनी रामकृष्ण परमहंस यांच्या तसेच शारदा माता यांच्या मंदिरात जाऊन त्यांच्या प्रतिमांचे दर्शन घेतले. मुंबई रामकृष्ण मठाचे अध्यक्ष स्वामी सत्यदेवानंद महाराज यांनी राज्यपालांचे स्वागत केले तसेच मिशनच्या कार्याची माहिती दिली. मुंबई येथील रामकृष्ण मठ व मिशन यंदा स्थापनेचे शताब्दी वर्ष साजरे करीत आहे.