16.05.2024: त्रिनिदाद – टोबॅगो पंतप्रधानांचे राज्यपालांकडून स्वागत

16.05.2024: भारत भेटीवर आलेले त्रिनिदाद आणि टोबॅगोचे पंतप्रधान डॉ. किथ क्रिस्टोफर राऊली यांचे आज राज्यपाल रमेश बैस यांनी राजभवन मुंबई येथे स्वागत केले. यावेळी त्रिनिदाद – टोबॅगो पंतप्रधानांच्या पत्नी शेरॉन राऊली व राज्यपाल बैस यांच्या पत्नी रामबाई बैस देखील उपस्थित होत्या. त्रिनिदाद येथे क्रिकेट अकादमी स्थापन करण्याच्या दृष्टीने तसेच भारताशी विविध क्षेत्रांमधील संबंध दृढ करण्यासाठी भेटीवर आलो आल्याचे डॉ किथ राऊली यांनी सांगितले. यावेळी राज्यपालांनी त्रिनिदाद – टोबॅगोच्या पंतप्रधानांच्या सन्मानार्थ प्रीती भोजनाचे आयोजन केले.