15.08.2022 : राज्यपालांच्या हस्ते पुणे जिल्हा परिषदेच्या हीरक महोत्सवी स्मरणिकेचे प्रकाशन संपन्न

15.08.2022 : स्वातंत्र्याच्या अमृत महोत्सवासोबत आपल्या स्थापनेचे हीरक महोत्सवी वर्ष साजरे करीत असलेल्या पुणे जिल्हा परिषदेतर्फे आयोजित कार्यक्रमाला राज्यपाल भगतसिंह कोश्यारी यांनी उपस्थित राहून जिल्हा परिषदेच्या हीरक महोत्सवी स्मरणिकेचे प्रकाशन केले. यानिमित्त हीरक महोत्सव विशेष आवरण व पोस्टेज स्टॅम्पचे देखील राज्यपालांच्या हस्ते प्रकाशन करण्यात आले. कार्यक्रमाला पुणे जिल्हा परिषदेचे मुख्य अधिकारी आयुष प्रसाद व पोस्टाच्या पुणे विभागाचे मुख्य टपाल अधिकारी रामचंद्र जायभाये प्रामुख्याने उपस्थित होते.