14.08.2023: राज्यपालांच्या उपस्थितीत डॉ. डी. वाय. पाटील विद्यापीठाचा दीक्षांत समारोह पुणे येथे संपन्न

14.08.2023: राज्यपाल रमेश बैस यांच्या उपस्थितीत डॉ. डी. वाय. पाटील विद्यापीठाचा 14 वा दीक्षांत समारोह पुणे येथे संपन्न झाला. राज्यपालांच्या हस्ते उद्योगपती अरुण फिरोदिया, अध्यक्ष, कायनेटिक समुह, पुणे, प्रज इंडस्ट्रीजचे संस्थापक डॉ प्रमोद चौधरी व बेंगलोर येथील रमैया समुहाचे मुख्य सल्लागार डॉ पी एन राझदान यांना मानद डॉक्टर ऑफ सायन्स या पदवीने सन्मानित करण्यात आले. दीक्षांत समारोहात 4095 स्नातकांना पदव्या तर 33 स्नातकांना सुवर्ण पदके देण्यात आली. दीक्षांत समारोहाला विद्यापीठाचे कुलपती डॉ. पी. डी. पाटील, प्रकुलपती डॉ. (श्रीमती) भाग्यश्री पाटील, कुलगुरु डॉ. एन. जे. पवार, तसेच विद्यापीठाच्या व्यवस्थापन समितीचे सदस्य उपस्थित होते.