14.04.2024 : राज्यपालांच्या हस्ते डॉ नरेंद्र जाधव यांच्या ‘आमचा बाप आन आम्ही’ या पुस्तकाचे प्रकाशन

14.04.2024 : भारतरत्न डॉ बाबासाहेब आंबेडकर यांच्या जयंतीचे औचित्य साधून अर्थतज्ज्ञ, माजी कुलगुरु तसेच रिझर्व्ह बँकेचे माजी मुख्य सल्लागार डॉ नरेंद्र जाधव यांच्या ‘आमचा बाप आन आम्ही’ या पुस्तकाच्या २०० व्या आवृत्तीचे प्रकाशन राज्यपाल रमेश बैस यांच्या हस्ते राजभवन मुंबई येथे करण्यात आले. दोनशेवी आवृत्ती प्रकाशित होणारे पहिले मराठी पुस्तक ठरल्याबद्दल तसेच हे पुस्तक ‘इंटरनॅशनल बेस्ट सेलर’ ठरल्याबद्दल राज्यपालांनी डॉ नरेंद्र जाधव यांचे अभिनंदन केले. कार्यक्रमाला श्रीमती वसुंधरा जाधव, ‘ग्रंथाली’ प्रकाशन संस्थेचे सुदेश हिंगलासपूरकर तसेच डॉ जाधव यांचे कुटुंबीय उपस्थित होते.