12.03.2024: पंतप्रधानांनी व्हिडीओ कॉन्फरन्सिंगच्या माध्यमातून देशभरातील अनेक रेल्वे पायाभूत प्रकल्पांचे उदघाटन, लोकार्पण केले

12.03.2024: पंतप्रधान नरेंद्र मोदी यांनी आज व्हिडीओ कॉन्फरन्सिंगच्या माध्यमातून देशभरातील अनेक रेल्वे पायाभूत प्रकल्पांचे उदघाटन, लोकार्पण तसेच पायाभरणी केली. पंतप्रधानांच्या हस्ते यावेळी नव्या मार्गांवर सुरु करण्यात आलेल्या ‘वंदे भारत एक्सप्रेस’ला देखील रवाना करण्यात आले. यावेळी पश्चिम रेल्वेच्या वतीने मुंबई सेंट्रल स्थानक येथे झालेल्या कार्यक्रमामध्ये राज्यपाल रमेश बैस यांच्या हस्ते पश्चिम रेल्वेच्या काही स्थानकांवर स्थानिक उत्पादनांना प्रोत्साहन देण्यासाठी सुरु करण्यात आलेल्या ‘एक स्टेशन एक उत्पादन’ योजनेच्या कोनशिलेचे अनावरण करण्यात आले. यावेळी मुख्यमंत्री एकनाथ शिंदे, केंद्रीय मंत्री नारायण राणे, राज्याचे कौशल्य मंत्री मंगल प्रभात लोढा, पश्चिम रेल्वेचे अतिरिक्त महाव्यवस्थापक प्रकाश बुटानी तसेच रेल्वेचे वरिष्ठ अधिकारी उपस्थित होते.