21.09.2022 : ‘प्रत्येक वाक्यागणिक त्यांनी खसखस पिकवली’ – राज्यपालांची राजू श्रीवास्तव यांना श्रद्धांजली

‘प्रत्येक वाक्यागणिक त्यांनी खसखस पिकवली’ – राज्यपालांची राजू श्रीवास्तव यांना श्रद्धांजली

राज्यपाल भगतसिंह कोश्यारी यांनी हास्य अभिनेते राजू श्रीवास्तव यांना श्रद्धांजली वाहिली आहे.

राजू श्रीवास्तव एक मनस्वी कलाकार होते. त्यांचे सोबत झालेल्या बैठकीत प्रत्येक वाक्यागणिक त्यांनी विनोदाची पेरणी करून खसखस पिकवली होती. जितके श्रेष्ठ कलाकार तितकेच ते उत्तम व्यक्ती होते. त्यांच्या निधनाचे वृत्त अत्यंत दुःखदायक आहे. गेल्या दोन दशकातील ते सर्वाधिक लोकप्रिय हास्य कलाकार होते. राजू श्रीवास्तव यांना आपली भावपूर्ण श्रद्धांजली अर्पण करतो व दिवंगत आत्म्याला ईश्वर शांती प्रदान करो, ही प्रार्थना करतो, असे राज्यपालांनी आपल्या शोक संदेशात म्हटले आहे.