20.04.2024 : महावीर जयंतीनिमित्त राज्यपालांच्या शुभेच्छा

महावीर जयंतीनिमित्त राज्यपालांच्या शुभेच्छा

महाराष्ट्राचे राज्यपाल रमेश बैस यांनी राज्यातील जनतेला महावीर जयंती (तीर्थंकर महावीर स्वामींचा जन्म कल्याणक ) निमित्त शुभेच्छा दिल्या आहेत.

“महावीर जयंतीचा दिवस तीर्थंकर भगवान महावीरांचे जीवन कार्य तसेच त्यांच्या अहिंसा, त्याग, क्षमा, जीवदया व अनेकांतवादाच्या शिकवणीचे स्मरण करून देतो. महावीर जयंती निमित्त मी राज्यातील सर्व लोकांना, विशेषतः जैन बंधू भगिनींना हार्दिक शुभेच्छा देतो”, असे राज्यपालांनी आपल्या संदेशात म्हटले आहे.