31.05.2024 : राज्यपालांच्या उपस्थितीत अहिल्यादेवी होळकर त्रिशताब्दी जयंती समारोह संपन्न

31.05.2024 : राज्यपाल तथा कुलपती रमेश बैस यांच्या प्रमुख उपस्थितीत पुण्यश्लोक अहिल्यादेवी होळकर त्रिशताब्दी जयंती समारोहाचे आयोजन मुंबई विद्यापीठाच्या सर कावसजी जहाँगीर दीक्षान्त सभागृह येथे करण्यात आले. मुंबई विद्यापीठ तसेच समरसता साहित्य परिषद महाराष्ट्र प्रदेश यांच्या संयुक्त विद्यमाने कार्यक्रमाचे आयोजन करण्यात आले. सुरुवातीला राज्यपालांनी अहिल्यादेवी होळकर यांच्या जीवन कार्यावरील एका प्रदर्शनाला भेट दिली. कार्यक्रमाला मुंबई विद्यापीठाचे कुलगुरु प्रा. रवींद्र कुलकर्णी, विवेकानंद एज्युकेशन सोसायटीच्या इन्स्टीट्यूट ऑफ मॅनेजमेंट स्टडीजचे संचालक प्रा. सतीश मोढ, समरसता साहित्य परिषद महाराष्ट्र प्रदेशचे कोषाध्यक्ष धीरज बोरीकर, मुंबई विद्यापीठाचे प्र- कुलगुरू प्राचार्य डॉ. अजय भामरे, कुलसचिव प्रा. बळीराम गायकवाड तसेच इतर मान्यवर उपस्थित होते.