30.09.2022: राज्यपालांच्या उपस्थितीत मूक प्राण्यांच्या सेवेसाठी पशुवैद्यकीय रुग्णवाहिका रुजू

30.09.2022: राज्यपाल भगतसिंह कोश्यारी व केंद्रीय पशुपालन, मत्स्यव्यवसाय व डेअरी मंत्री परषोत्तम रुपाला यांच्या उपस्थितीत बृहन्मुंबई परिसरातील मूक प्राण्यांच्या व पक्षांच्या सेवेसाठी ११ पशुवैद्यकीय रुग्णवाहिका रुजू झाल्या. समस्त महाजन या संस्थेच्या पुढाकाराने या पशुवैद्यकीय रुग्णवाहिकांना राजभवन येथून झेंडी दाखवून रवाना करण्यात आले. यावेळी पर्यटन व महिला बालकल्याण मंत्री मंगल प्रभात लोढा, पशुसंवर्धन विभागाचे प्रधान सचिव जे पी गुप्ता, समस्त महाजन संस्थेचे विश्वस्त गिरीश शहा उपस्थित होते. या ऍम्ब्युलन्स वसई विरार, दहिसर ते मालाड, गोरेगाव ते जुहू पार्ले, बांद्रा -खार – सांताक्रूझ, दादर, दक्षिण मुंबई, सायं ते मुलुंड, ठाणे, भिवंडी व नवी मुंबई या परिसरात उपलब्ध असल्याचे सांगण्यात आले.