29.12.2021: राज्यपालांची पुणे येथील क्वीन मेरी टेक्निकल संस्थेला भेट

29.12.2021: राज्यपाल भगतसिंह कोश्यारी यांनी आज सशस्त्र सैन्य दलातील अपंगत्व प्राप्त झालेल्या जवानांना तंत्रशिक्षण व कौशल्य प्रशिक्षण देऊन आत्मनिर्भर करणाऱ्या खडकी, पुणे येथील क्वीन मेरी टेक्निकल संस्थेला भेट देऊन तेथील कार्याची माहिती घेतली. सन १९१७ साली युद्धात जायबंदी झालेल्या जवानांच्या प्रशिक्षण व पुनर्वसनासाठी क्वीन मेरी तंत्रशिक्षण संस्थेची स्थापना करण्यात आली होती. यावेळी राज्यपालांनी अपंगत्व आलेल्या जवानांच्या वैद्यकीय पुनर्वसनासाठी कार्य करणाऱ्या पॅराप्लेजिक पुनर्वसन केंद्राला देखील भेट दिली व उपस्थित दिव्यांग जवानांशी संवाद साधला.