28.07.2026: राज्यपालांच्या उपस्थ‍ितीत महाराष्ट्र आरोग्य विज्ञान विद्यापीठाचा दीक्षांत समारंभ सपंन्न

28.07.2026: महाराष्ट्र आरोग्य विज्ञान विद्यापीठाचा २५ वा दीक्षांत समारंभ राज्यपाल तथा विद्यापीठाचे कुलपीठाचे कुलपती जिष्णु देव वर्मा यांच्या अध्यक्षतेखाली नाशिक येथे संपन्न झाला. दीक्षांत समारोपाला राज्याचे अन्न व औषध प्रशासन मंत्री नरहरी झिरवाळ, नागपूर येथील अखिल भारतीय आयुर्विज्ञान संस्थेचे अध्यक्ष डॉ. अनंत पंढरे, कुलगुरू प्रा. संजीव सोनवणे, राज्यपालांचे सचिव डॉ प्रशांत नारनवरे, विद्यापीठाचे कुलसचिव डॉ. राजेंद्र बंगाळ, परीक्षा नियंत्रक डॉ. संदीप कडू, आदी उपस्थित होते. विद्यापीठातर्फे डॉ. सदानंद सरदेशमुख यांना त्यांच्या सेवेबद्दल डी. लिट. पदवी प्रदान करण्यात आली. या सोहळ्यात विद्यापीठाच्या विविध विद्याशाखांमधील १२२६३ स्नातकांना पदवी प्रदान करण्यात आली, तसेच २० विद्यार्थ्यांना विद्यावाचस्पती (पीएच. डी), तर विविध विद्याशाखेतील ९९ विद्यार्थ्यांना १४६ सुवर्णपदक व प्रमाणपत्र देऊन गौरविण्यात आले.