27.05.2025 : राज्यपालांच्या उपस्थितीत मुंबई विद्यापीठाने निर्माण केलेल्या स्वातंत्र्यवीर विनायक दामोदर सावरकर अभ्यास व संशोधन केंद्राचा उदघाटन सोहळा संपन्न

27.05.2025 : राज्यपाल सी.पी. राधाकृष्णन यांच्या अध्यक्षतेखाली आणि मुख्यमंत्री देवेंद्र फडणवीस यांच्या प्रमुख उपस्थितीत आज मुंबई विद्यापीठाने निर्माण केलेल्या स्वातंत्र्यवीर विनायक दामोदर सावरकर अभ्यास व संशोधन केंद्राचा उदघाटन सोहळा संपन्न झाला. मुंबई विद्यापीठाचे स्नातक असलेल्या स्वातंत्र्यवीर सावरकर यांच्या साठाव्या स्मृती वर्षानिमित्त त्यांचे विचार व तत्वज्ञान नव्या पिढीपर्यंत पोहोचविण्यासाठी हे केंद्र निर्माण करण्यात आले आहे. यावेळी उच्च व तंत्र शिक्षण मंत्री चंद्रकांत पाटील, माहिती तंत्रज्ञान व सांस्कृतिक कार्य मंत्री आशिष शेलार, मुंबई विद्यापीठाचे कुलगुरु डॉ. रवींद्र कुलकर्णी, प्रकुलगुरु डॉ. अजय भामरे, कुलसचिव डॉ. प्रसाद कारंडे, लोकप्रतिनिधी, अधिकारी व शिक्षक व विद्यार्थी उपस्थित होते.