23.08.2022 : राज्यपालांच्या हस्ते लोणेरे येथील डॉ बाबासाहेब आंबेडकर तंत्रशास्त्र विद्यापीठाच्या प्रादेशिक केंद्राचे हस्तांतरण व उदघाटन

23.08.2022 : लोणेरे (जि. रायगड) येथील डॉ बाबासाहेब आंबेडकर तंत्रशास्त्र विद्यापीठाच्या पुणे येथील प्रादेशिक केंद्राचे हस्तांतरण व उदघाटन राज्यपाल तथा कुलपती भगतसिंह कोश्यारी यांच्या उपस्थितीत सावित्रीबाई फुले पुणे विद्यापीठ परिसर येथे संपन्न झाले. हे प्रादेशिक केंद्र सावित्रीबाई फुले पुणे विद्यापीठाच्या मानव संसाधन विकास केंद्र इमारतीमध्ये सुरु करण्यात आले आहे. हस्तांतरण सोहळ्याला डॉ बाबासाहेब आंबेडकर तंत्रशास्त्र विद्यापीठ तसेच सावित्रीबाई फुले पुणे विद्यापीठाचे कुलगुरु डॉ कारभारी काळे, सावित्रीबाई फुले पुणे विद्यापीठातील राज्यपाल नियुक्त व्यवस्थापन परिषद सदस्य राजेश पांडे, प्र-कुलगुरु डॉ संजीव सोनवणे व कुलसचिव प्रफुल्ल पवार, डॉ बाबासाहेब आंबेडकर तंत्रशास्त्र विद्यापीठाचे राज्यपाल नियुक्त सदस्य डॉ विवेक वडके व कुलसचिव डॉ भगवान जोगी प्रामुख्याने उपस्थित होते.