18.08.2023 : राज्यपालांच्या उपस्थितीत ‘माझी माती, माझा देश’ या अभियानाची सांगता

18.08.2023 : भारतीय स्वातंत्र्याच्या अमृत महोत्सवी वर्षाच्या समारोप पर्वानिमित्त आयोजित ‘माझी माती, माझा देश’ या अभियानाची सांगता राज्यपाल रमेश बैस यांच्या प्रमुख उपस्थितीत राजभवन येथे झाली. यावेळी शहाजी राजे भोसले यांच्यावरील टपाल तिकिटाचे प्रकाशन करण्यात आले. कार्यक्रमाला मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजीत पवार, विधानसभा अध्यक्ष राहुल नार्वेकर, सांस्कृतिक कार्य मंत्री सुधीर मुनगंटीवार, उच्च शिक्षण मंत्री चंद्रकांत पाटील, शालेय शिक्षणमंत्री दीपक केसरकर, मुख्य सचिव मनोज सौनिक, प्रधान सचिव विकास खारगे, पोस्ट मास्टर जनरल अमिताभ सिंह आदी प्रामुख्याने उपस्थित होते. सांस्कृतिक कार्य विभागातर्फे यावेळी ‘महाराष्ट्रातील समाज सुधारक व विचारवंत’ या मराठी पुस्तकाचे तसेच ‘स्वतंत्रता संग्राम में महाराष्ट्र का योगदान’ या हिंदी पुस्तकाचे प्रकाशन करण्यात आले. यावेळी ‘साद सह्याद्रीची, भूमी महाराष्ट्राची’ या सांस्कृतिक कार्यक्रमाचे सादरीकरण करण्यात आले.