16.01.2024 : राज्यपालांच्या प्रमुख उपस्थितीत पुणे येथील अजिंक्य डी.वाय. पाटील विद्यापीठाचा दीक्षांत समारोह संपन्न

16.01.2024 : पुणे येथील अजिंक्य डी.वाय. पाटील विद्यापीठाचा ८ वा दीक्षांत समारोह राज्यपाल रमेश बैस यांच्या प्रमुख उपस्थितीत विद्यापीठ परिसरात संपन्न झाला. यावेळी विधी, डिझाईन, चित्रपट, मीडिया, वास्तुकला, व्यवस्थापन, हॉटेल व्यवस्थापन आदी विद्याशाखांमधील स्नातकांना पदव्या प्रदान करण्यात आल्या. दीक्षांत समारोहात शिक्षण तज्ज्ञ भरत अमळकर, सर्वोच्च न्यायालयातील अभियोक्ता जे. साई दीपक, रेस्टॉरंट असोसिएशन ऑफ ग्रेट ब्रिटनचे अध्यक्ष रॉबर्ट वॉल्टर, संरक्षण मंत्रालयाचे सल्लागार ले.जन. विनोद खंदारे (नि.) व चित्रपट निर्माते विवेक अग्निहोत्री यांना राज्यपालांच्या हस्ते मानद डिलीट पदवी प्रदान करण्यात आली. यावेळी गुणवत्ताप्राप्त स्नातकांना सुवर्ण पदके प्रदान करण्यात आली. दीक्षांत समारोहाला विद्यापीठाचे कुलपती अजिंक्य डी. वाय. पाटील, कुलगुरू डॉ हृदयेश देशपांडे, अध्यक्ष पूजा पाटील, डीन, विभाग प्रमुख, स्नातक व पालक उपस्थित होते.