15.03.2023: राज्यपालांच्या प्रमुख उपस्थितीत डॉ बाळासाहेब सावंत कोकण कृषि विद्यापीठाचा दीक्षांत समारोह संपन्न

15.03.2023: राज्यपाल तथा कुलपती रमेश बैस यांच्या प्रमुख उपस्थितीत दापोली येथील डॉ बाळासाहेब सावंत कोकण कृषि विद्यापीठाचा ४१ वा दीक्षांत समारोह आज संपन्न झाला. यावेळी विशेष प्राविण्य प्राप्त केलेल्या स्नातकांना सुवर्णपदके प्रदान करण्यात आली. सुरुवातीला राज्यपालांनी कृषि प्रदर्शनाला भेट दिली. दीक्षांत समारोहाला विद्यापीठाचे प्रकुलपती व कृषिमंत्री अब्दुल सत्तार, रत्नागिरीचे पालक मंत्री तसेच उद्योग मंत्री उदय सामंत, भारतीय कृषि अनुसंधान परिषदेचे माजी महासंचालक व इंफाळ येथील केंद्रीय कृषि विद्यापीठाचे कुलगुरु डॉ एस अय्यप्पन, डॉ बाळासाहेब सावंत कोकण कृषि विद्यापीठाचे कुलगुरु डॉ संजय सावंत, विद्यापीठाच्या कार्यकारी परिषदेचे सदस्य, विविध विद्याशाखांचे अधिष्ठाता, शिक्षक व स्नातक विद्यार्थी उपस्थित होते.