13.09.2022 : राज्यपालांनी केले महाराष्ट्र व अमेरिकेतील विद्यापिठांतर्फे आयोजित परिषदेचे उद्घाटन

13.09.2022 : महाराष्ट्रातील सार्वजनिक विद्यापीठे व अमेरिकेतील विद्यापीठांमध्ये शैक्षणिक सहकार्य वाढवण्याच्या दृष्टीने आयोजित एका उच्च शिक्षण परिषदेचे उद्घाटन राज्यपाल तथा कुलपती भगतसिंह कोश्यारी यांनी आज राजभवन येथे केले. या परिषदेला राज्याचे उच्च व तंत्र शिक्षण मंत्री चंद्रकांत दादा पाटील, अमेरिकेचे मुंबईतील वाणिज्य दूत माइक हँकी, अमेरिकेच्या विविध विद्यापीठांचे प्रमुख तसेच राज्यातील सर्व विद्यापीठांचे कुलगुरु उपस्थित होते.