13.09.2022 : अशोक सराफ यांनी नाट्य – सिने क्षेत्रात एव्हरेस्ट सर केले : राज्यपाल भगतसिंह कोश्यारी

13.09.2022 : राज्यपाल भगतसिंह कोश्यारी यांच्या मुख्य उपस्थितीत मुंबई विद्यापीठाच्या ५५ व्या युवा महोत्सवाचे उदघाटन करण्यात आले. विद्यापीठाच्या दीक्षांत सभागृहात झालेल्या या कार्यक्रमात राज्यपालांच्या हस्ते वयाची ७५ वर्षे तसेच चित्रपट – रंगभूमीवरील ५० वर्षे पूर्ण करणारे ज्येष्ठ अभिनेते अशोक सराफ यांचा सत्कार करण्यात आला. कार्यक्रमाला मुंबई विद्यापीठाचे प्रभारी कुलगुरू डॉ दिगंबर शिर्के, निवेदिता जोशी-सराफ, विविध विभागांचे अधिष्ठाता, शिक्षक तसेच युवा महोत्सवात सहभागी होणारे विद्यार्थी कलाकार उपस्थित होते.