12.09.2023 : राज्यपालांच्या उपस्थितीत स्कुल संस्थेतर्फे ‘वृद्ध मित्र’ उपक्रमाचा शुभारंभ

12.09.2023 : राज्यपाल रमेश बैस यांच्या प्रमुख उपस्थितीत आज सोसायटी ऑफ कम्युनिटी हेल्थ ओरिएंटेड ऑपेरेशनल लिंक्स (स्कुल) या संस्थेतर्फे वरिष्ठ नागरिकांसाठी राबविण्यात येणाऱ्या ‘वृद्ध मित्र’ या उपक्रमाच्या पुणे शहर विस्तार कार्यक्रमाचा बालगंधर्व रंगमंदिर पुणे येथे शुभारंभ करण्यात आला. राज्यपालांच्या हस्ते ‘वृद्ध मित्र’ उपक्रमाला सहयोग देणाऱ्या संस्थांचा तसेच व्यक्तींचा सत्कार करण्यात आला. कार्यक्रमाला ‘स्कुल’ संस्थेच्या मुख्य अधिकारी डॉ बेनझीर पाटील, पुणे महानगर पालिका आयुक्त विक्रम कुमार तसेच संस्थेचे पदाधिकारी व वरिष्ठ नागरिक उपस्थित होते.