09.12.2025: ‘भारतीय संविधान गौरवशाली अमृतमहोत्सवी वाटचाल’ या मुख्यमंत्री देवेंद्र फडणवीस यांच्या महाराष्ट्र विधानसभेतील भाषणाच्या पुस्तकाचे प्रकाशन

09.12.2025: ‘भारतीय संविधान गौरवशाली अमृतमहोत्सवी वाटचाल’ या मुख्यमंत्री देवेंद्र फडणवीस यांच्या महाराष्ट्र विधानसभेतील भाषणाच्या पुस्तकाचे प्रकाशन महाराष्ट्राचे राज्यपाल आचार्य देवव्रत यांच्या हस्ते आज लोकभवन, नागपूर येथे करण्यात आले. पुस्तक प्रकाशन सोहळयाला मुख्यमंत्री देवेंद्र फडणवीस, उपमुख्यमंत्री एकनाथ शिंदे, विधान परिषदेचे सभापती प्रा.राम शिंदे, विधानसभा अध्यक्ष ॲड. राहुल नार्वेकर, विधानपरिषद उपसभापती डॉ.नीलम गोऱ्हे, विधानसभा उपाध्यक्ष अण्णा बनसोडे, उच्च व तंत्र शिक्षण मंत्री चंद्रकांत पाटील, राज्य मंत्रिमंडळाचे सदस्य तसेच विधानपरिषद व विधानसभेचे सदस्य उपस्थित होते. राज्य घटनेच्या अमृत महोत्सवानिमित्त महाराष्ट्र विधानसभेत झालेल्या चर्चेच्या वेळी मुख्यमंत्री देवेंद्र फडणवीस यांनी दिनांक २६ मार्च २०२५ रोजी हे भाषण दिले होते. सभागृहाच्या सदस्यांच्या मागणीनुसार हे भाषण पुस्तक रूपाने प्रकाशित करण्यात आले.