08.12.2023 : राज्यपालांच्या उपस्थितीत शासनाच्या विविध योजनांची माहिती देणाऱ्या महाशिबिराचे उद्घाटन संपन्न

08.12.2023 : राज्यपाल रमेश बैस यांनी भंडारा जिल्हा येथे विकसित भारत संकल्प यात्रेचा भाग म्हणून डिफेन्स अकादमी भंडारा येथे केंद्र तसेच राज्य शासनाच्या विविध योजनांची माहिती देणाऱ्या महाशिबिराचे उद्घाटन केले तसेच विकसित भारत संकल्प यात्रेला हिरवी झेंडी दाखवून रवाना केले. कार्यक्रमाला भंडारा जिल्ह्याचे पालकमंत्री डॉ. विजयकुमार गावित, खासदार सुनील मेंढे, आमदार नरेंद्र भोंडेकर, माजी मंत्री परिणय फुके, जिल्हाधिकारी योगेश कुंभेजकर, पोलीस महानिरीक्षक छेरिंग दोरजे तसेच नागरिक मोठ्या संख्येने उपस्थित होते. यावेळी राज्यपालांच्या हस्ते प्रधानमंत्री आवास योजना, ‘उमेद’ जीवनोन्नती अभियान, प्रधानमंत्री सन्मान योजना, जल जीवन मिशन, प्रधानमंत्री गरीब कल्याण योजना, यांसह विविध योजनांमधील लक्षित लाभार्थ्यांना योजनांचे लाभ प्रतिनिधिक स्वरुपात देण्यात आले.