08.10.2021: दिपाली भोसले सय्यद चॅरिटेबल ट्रस्टच्या वतीने महाराष्ट्र कोविड योद्धा सन्मान प्रदान

08.10.2021: अभिनेत्री दिपाली भोसले यांच्या दीपाली भोसले सय्यद चॅरिटेबल ट्रस्टच्या वतीने देण्यात येणारे ‘महाराष्ट्राचा कोविड योद्धा सन्मान’ राज्यपाल कोश्यारी यांच्या हस्ते राजभवन येथे प्रदान करण्यात आले. केईएम हॉस्पिटलचे अधिष्ठाता डॉ हेमंत देशमुख, नायर हॉस्पिटलचे अधिष्ठाता डॉ रमेश भारमल, कूपर रुग्णालयाचे अधिष्ठाता डॉ शैलेश मोहिते, मीरा भायंदर महानगर पालिकेचे आयुक्त दिलीप ढोले यांसह समाजातील विविध करोना योद्ध्यांना यावेळी राज्यपालांच्या हस्ते सन्मानित करण्यात आले. अभिनेत्री दीपाली भोसले सय्यद यांच्या पुढाकाराने सुरु करण्यात आलेल्या ‘डीबीएस महिला पथक’ या महिलांच्या बाऊंसरच्या पथक निर्मितीची घोषणा राज्यपालांच्या उपस्थितीत करण्यात आली.