जलसंवर्धनाच्या कामात नागरिकांनी सहभागी होण्याचे राज्यपालांचे आवाहन

औरंगाबाद, दि. 11 : पर्यावरणाचा असमतोलपणा व मराठवाड्यासारख्या अवर्षण भागात पाण्याची आवश्यकता लक्षात घेऊन प्रत्येक नागरिकाने जलसंवर्धनाच्या कार्यात सहभागी व्हावे, असे आवाहन राज्यपाल भगत सिंह कोश्यारी यांनी केले.
डॉ.बाबासाहेब आंबेडकर मराठवाडा विद्यापीठ परिसरातील जलदूत संस्थेने लोकसहभागातून बांधलेल्या फेरोसिमेंट तंत्रज्ञान बंधाऱ्याचे जलपूजन व लोकार्पण सोहळा राज्यपाल भगत सिंह कोश्यारी यांच्या हस्ते करण्यात आले, त्यावेळी ते बोलत होते.
यावेळी डॉ.बाबासाहेब आंबेडकर मराठवाडा विद्यापीठाचे कुलगुरू डॉ.प्रमोद येवले, कुलसचिव साधना पांडे, नॅशनल केमिकल लॅबोरेटरीचे संचालक प्रा.अश्विनीकुमार नांगिया, गरवारे प्रा.लि.चे तांत्रिक संचालक अनिल भालेराव, जलदूत संस्थेचे अध्यक्ष किशोर शितोळे यांच्यासह जलदूत संस्थेचे विद्यार्थी मोठ्या संख्येने उपस्थित होते.