न्यूझीलंडचे उपप्रधानमंत्री विस्टन पिटर्स यांनी घेतली राज्यपालांची भेट

२8 .०२.२०२०: न्युझीलंडचे उपपंतप्रधान आणि परराष्ट्र व्यवहार मंत्री विन्स्टन पिटर्स यांनी त्यांच्या शिष्टमंडळासह आज राज्यपाल भगतसिंह कोश्यारी यांची राजभवन, मुंबई येथे सदिच्छा भेट घेऊन विविध विषयांवर चर्चा केली. भारत व न्युझीलंड या देशांमधील घनिष्ठ संबंध अधिक व्यापक व्हावेत तसेच शिक्षण, संस्कृती तसेच पर्यटन या क्षेत्रांमध्ये देखील ते वृद्धिंगत व्हावे अशी अपेक्षा राज्यपालांनी यावेळी व्यक्त केली.