20.11.2022 : मध्य आशियाई देशातील ८५ युवकांनी घेतली राज्यपालांची भेट

२०.११.२०२२ : ४ मध्य आशियाई देशांमधील ८५ सदस्यीय युवा शिष्टमंडळाने महाराष्ट्राचे राज्यपाल भगतसिंग कोश्यारी यांची लोकभवन मुंबई येथे भेट घेतली. पंतप्रधान नरेंद्र मोदी यांच्या निमंत्रणावरून किर्गिस्तान, ताजिकिस्तान, कझाकस्तान आणि उझबेकिस्तानमधील कलाकार, माध्यम प्रतिनिधी, विद्यार्थी आणि अधिकारी यांचा समावेश असलेले युवक भारत दौऱ्यावर आले आहेत. राज्यपालांनी शिष्टमंडळातील नेत्यांचा - ताजिकिस्तानचे एगाम्बरदीव असलिद्दीन, किर्गिस्तानचे तालैबेक बर्दीव, कझाकस्तानचे सुश्री उलबोलसिन ओरकबायेवा आणि उझबेकिस्तानचे इस्लोम ओखुनोव्ह यांचा सत्कार केला.

20.11.2022 : पंतप्रधान नरेंद्र मोदी यांच्या निमंत्रणानुसार मध्य आशियाई देशातील चार देशांमधील युवकांचे शिष्टमंडळ मुंबई भेटीवर आले असून शिष्टमंडळातील ८५ युवकांनी राज्यपाल भगतसिंह कोश्यारी यांची राजभवन येथे सदिच्छा भेट घेतली. केंद्रीय युवक कल्याण व क्रीडा मंत्रालयाच्या माध्यमातून आयोजित युवकांच्या या भारत भेटीमध्ये किर्गिझस्तान, कझाकस्तान, उझबेकिस्तान व ताजिकिस्तान देशांमधील कला, पत्रकारिता, शिक्षण, औषधी निर्माण तसेच प्रशासन क्षेत्रातील युवकांचा समावेश आहे. यावेळी राज्यपालांनी ताजिकिस्तान शिष्टमंडळाचे प्रमुख इंगंबरडीएव्ह अस्लीद्दीन, किर्गिझस्तान शिष्टमंडळाचे प्रमुख तलाईबेक बर्डीएव्ह, कझाकस्तान शिष्टमंडळाच्या प्रमुख उलबॉलसीन ओरॅकबाएव्हा आणि उझबेकिस्तानचे इस्लोम ओखुनोव्ह यांचा स्मृतिचिन्ह व खणाचे तोरण भेट देऊन सत्कार केला.