05.09.2025 : राज्यपालांनी दिली न्या. चंद्रशेखर यांना मुख्य न्यायमूर्ती पदाची शपथ

०५.०९.२०२५ : मुंबई उच्च न्यायालयाचे कार्यवाहक मुख्य न्यायाधीश श्री चंद्रशेखर यांनी आज मुंबई उच्च न्यायालयाचे मुख्य न्यायाधीश म्हणून शपथ घेतली. महाराष्ट्राचे राज्यपाल सी. पी. राधाकृष्णन यांनी लोकभवन मुंबईतील दरबार हॉलमध्ये आयोजित एका संक्षिप्त शपथविधी समारंभात मुख्य न्यायाधीश श्री चंद्रशेखर यांना पदाची शपथ दिली. राज्यपालांनी मुख्य न्यायाधीशांना पुष्पगुच्छ देऊन त्यांचे अभिनंदन केले. मुख्यमंत्र्यांनीही मुख्य न्यायाधीशांचे अभिनंदन केले. तत्पूर्वी, मुख्य सचिव राजेश कुमार यांनी भारत सरकारने जारी केलेल्या मुख्य न्यायाधीशांच्या नियुक्तीची अधिसूचना वाचून दाखवली.

05.08.2025 : मुंबई उच्च न्यायालयाचे प्रभारी मुख्य न्यायमूर्ती न्या. श्री चंद्रशेखर यांनी आज मुंबई उच्च न्यायालयाच्या मुख्य न्यायमूर्ती पदाची शपथ घेतली. राजभवन येथे झालेल्या एका छोटेखानी शपथविधी समारंभामध्ये राज्यपाल सी. पी. राधाकृष्णन यांनी न्या. चंद्रशेखर यांना पदाची शपथ दिली. शपथ दिल्यानंतर राज्यपालांनी व त्यांच्यानंतर मुख्यमंत्री देवेंद्र फडणवीस यांनी न्या. चंद्रशेखर यांचे पुष्पगुच्छ देऊन अभिनंदन केले. शपथविधी सोहळ्याला विधानसभेचे अध्यक्ष राहुल नार्वेकर, कौशल्य विकास मंत्री मंगलप्रभात लोढा, राजशिष्टाचार मंत्री जयकुमार रावल, लोकायुक्त न्या. (नि.) विद्यासागर कानडे तसेच राजस्थान, झारखंड, दिल्ली, अलाहाबाद, कर्नाटक व मुंबई उच्च न्यायालयातील न्यायाधीश व सेवानिवृत्त न्यायाधीश उपस्थित होते.