03.12.2025 : राज्यपालांच्या उपस्थितीत पारसी रत्न अवॉर्ड सन्मान सोहळा संपन्न

03.12.2025 : अहमदाबादमधील पारसी समाजाने आयोजित केलेल्या The Hour of Recognition & Dedication कार्यक्रमात सहभागी होताना विशेष समाधान लाभले. या कार्यक्रमात पारसी समाजातील उल्लेखनीय योगदान देणाऱ्या व्यक्तींना पारसी रत्न अवॉर्डने गौरवण्याचा सन्मान मिळाला. Ariz Khambatta Benevolent Trust तर्फे उभारण्यात येणाऱ्या अरिज खंबाता ज्येष्ठ नागरिक गृह प्रकल्पाच्या 3D मॉडेलचे अनावरणही यावेळी केले. पारसी समाजाचे योगदान आपल्या देशाच्या इतिहासात तसेच वर्तमानातही अतुलनीय राहिले आहे. उद्योग, शिक्षण, आरोग्य, संशोधन आणि सेवाकार्य अशा प्रत्येक क्षेत्रात या समाजाने भारताला नवनव्या उंचीवर नेले आहे. भारतीय संस्कृतीत दूधात साखर मिसळावी तशी सहज समरसता साधत, कर्तव्यनिष्ठा, राष्ट्रभक्ती आणि उदारतेचे जे मूल्य पारसी समाजाने दिले आहे, ते अखंड भारतासाठी प्रेरणादायी ठरतात. आजही Tata Group असो, किंवा Cyrus Poonawalla आणि Adar Poonawalla यांसारखे कर्तृत्ववान उद्योजक असोत, तसेच समाजातील असंख्य दानशूर व्यक्ती—पारसी समाजाचे योगदान “विकास भी, विरासत भी” या भावनेला सदैव अर्थपूर्ण बनवत आले आहे. अरिज खंबाता ज्येष्ठ नागरिक गृह हा केवळ एक वास्तू-प्रकल्प नसून, पारसी संस्कृती, करुणा आणि सेवाभाव यांची ओळख जपणारे प्रतीक आहे. मला विश्वास आहे की पारसी समाज भविष्यातही याच जोमाने व समर्पणाने आत्मनिर्भर आणि विकसित भारताच्या उभारणीत आपली मोलाची भूमिका निभावत राहील.

03.12.2025 : अहमदाबादमधील पारसी समाजाने आयोजित केलेल्या The Hour of Recognition & Dedication कार्यक्रमात सहभागी होताना विशेष समाधान लाभले. या कार्यक्रमात पारसी समाजातील उल्लेखनीय योगदान देणाऱ्या व्यक्तींना पारसी रत्न अवॉर्डने गौरवण्याचा सन्मान मिळाला. Ariz Khambatta Benevolent Trust तर्फे उभारण्यात येणाऱ्या अरिज खंबाता ज्येष्ठ नागरिक गृह प्रकल्पाच्या 3D मॉडेलचे अनावरणही यावेळी केले. पारसी समाजाचे योगदान आपल्या देशाच्या इतिहासात तसेच वर्तमानातही अतुलनीय राहिले आहे. उद्योग, शिक्षण, आरोग्य, संशोधन आणि सेवाकार्य अशा प्रत्येक क्षेत्रात या समाजाने भारताला नवनव्या उंचीवर नेले आहे. भारतीय संस्कृतीत दूधात साखर मिसळावी तशी सहज समरसता साधत, कर्तव्यनिष्ठा, राष्ट्रभक्ती आणि उदारतेचे जे मूल्य पारसी समाजाने दिले आहे, ते अखंड भारतासाठी प्रेरणादायी ठरतात. आजही Tata Group असो, किंवा Cyrus Poonawalla आणि Adar Poonawalla यांसारखे कर्तृत्ववान उद्योजक असोत, तसेच समाजातील असंख्य दानशूर व्यक्ती—पारसी समाजाचे योगदान “विकास भी, विरासत भी” या भावनेला सदैव अर्थपूर्ण बनवत आले आहे. अरिज खंबाता ज्येष्ठ नागरिक गृह हा केवळ एक वास्तू-प्रकल्प नसून, पारसी संस्कृती, करुणा आणि सेवाभाव यांची ओळख जपणारे प्रतीक आहे. मला विश्वास आहे की पारसी समाज भविष्यातही याच जोमाने व समर्पणाने आत्मनिर्भर आणि विकसित भारताच्या उभारणीत आपली मोलाची भूमिका निभावत राहील.