27.03.2026: महाराष्ट्र लोक भवनात मध्य आशियाई युवक प्रतिनिधी मंडळाचे स्वागत

महाराष्ट्र लोक भवनात मध्य आशियाई युवक प्रतिनिधी मंडळाचे स्वागत

कझाकस्तान, किर्गिझस्तान, ताजिकिस्तान, तुर्कमेनिस्तान आणि उझबेकिस्तान येथील १०० सदस्यीय युवक प्रतिनिधी मंडळाने सांस्कृतिक व युवक आदानप्रदान कार्यक्रमाच्या निमित्ताने मुंबईतील लोक भवन क्लबला भेट दिली.

महाराष्ट्राचे माननीय राज्यपाल यांचे संयुक्त सचिव श्री. एस. रामामूर्ती यांनी भारताच्या सांस्कृतिक व युवक संबंध दृढ करण्याच्या बांधिलकीवर भाष्य केले.

या कार्यक्रमाला मान्यवर उपस्थित होते – परराष्ट्र मंत्रालयातील आय.एफ.एस. अधिकारी सौ. प्रतिभा लामा, युवा कार्य व क्रीडा मंत्रालयातील श्री. संजीव कपूर, महाराष्ट्र-गोवा माय भारतचे राज्य संचालक श्री. अमित पुंडे तसेच NSS चे राज्य नोडल अधिकारी डॉ. मिलिंद काले.

कार्यक्रमाची सुरुवात राष्ट्रगीताने झाली. त्यानंतर श्री. अमित पुंडे यांनी स्वागतपर भाषण केले. मध्य आशियातील प्रतिनिधींनी आपले अनुभव मांडले व भारताशी मैत्री व सहकार्याची भावना अधोरेखित केली.

कार्यक्रमाचा समारोप श्री. संजीव कपूर यांनी दिलेल्या आभार प्रदर्शनाने झाला. राष्ट्रगीताने पुन्हा एकदा वातावरण भारावले आणि त्यानंतर उपस्थितांना अल्पोपहार देण्यात आला.

ही सभा भारत व मध्य आशियाई देशांतील परस्पर समज, सांस्कृतिक आदानप्रदान आणि युवक सहकार्य दृढ करण्याच्या दिशेने एक महत्त्वपूर्ण पाऊल ठरली.