07.07.2025: राज्यपालांच्या उपस्थितीत आंतरराष्ट्रीय सहकार वर्ष २०२५ व केंद्रीय सहकार मंत्रालय स्थापना दिन साजरा करण्यात आला

07.07.2025: आंतरराष्ट्रीय सहकार वर्ष २०२५ तसेच केंद्रीय सहकार मंत्रालय स्थापना दिनानिमित्त महाराष्ट्र शासनाच्या सहकार, पणन व वस्त्रोद्योग विभागातर्फे आयोजित कार्यक्रम राज्यपाल सी पी राधाकृष्णन यांच्या उपस्थितीत आज राजभवन येथे संपन्न झाला. पालघर जिल्ह्यातील माहीम सहकारी संस्थेच्या पदाधिकाऱ्यांचा यावेळी राज्यपालांच्या हस्ते प्रातिनिधिक स्वरूपात सत्कार करण्यात आला, तर ‘एक पेड माँ के नाम’ उपक्रमांतर्गत राज्यपालांच्या हस्ते राजभवन येथे वृक्षारोपण करण्यात आले. या कार्यक्रमाला राज्याचे सहकार मंत्री बाबासाहेब पाटील, कौशल्य विकास मंत्री मंगल प्रभात लोढा, सहकार राज्यमंत्री डॉ पंकज भोयर, राज्यपालांचे सचिव डॉ प्रशांत नारनवरे, सहकार आयुक्त दीपक तावरे, सहकार विभागातील सहसचिव संतोष पाटील यांसह सहकार विभागाचे अधिकारी व कर्मचारी उपस्थित होते.