भाषण – 22.09.2024: राज्यपालांच्या उपस्थितीत सायन, मुंबई येथे ओणम उत्सव साजरा

22.09.2024: महाराष्ट्राचे राज्यपाल सी.पी. राधाकृष्णन यांच्या अध्यक्षतेखाली आज सायन, मुंबई येथे ओणम उत्सव साजरा करण्यात आला. मुंबईतील केरळ समाजाच्या बॉम्बे केरलिया समाज या संस्थेतर्फे ओणम उत्सवाचे आयोजन करण्यात आले होते. यावेळी राज्यपालांच्या हस्ते बॉम्बे केरलिया समाजाच्या ज्येष्ठ सदस्यांचा सत्कार करण्यात आला. बॉम्बे केरलिया समाजाचे अध्यक्ष डॉ. एस. राजशेखरन, मानद सचिव विनोदकुमार नायर, उपाध्यक्ष प्रदीपकुमार, सहसचिव टी ए शशी, संघाचे सदस्य व निमंत्रित उपस्थित होते.