04.09.2024: राष्ट्रपतींच्या हस्ते उदगीर जि.लातूर येथील तळवेस परिसरातील नवनिर्मित विश्वशांती बुद्ध विहाराचे उदघाटन

04.09.2024: उदगीर जि.लातूर येथील तळवेस परिसरातील नवनिर्मित विश्वशांती बुद्ध विहाराचे राष्ट्रपती द्रौपदी मुर्मू यांच्या हस्ते आज उदघाटन व लोकार्पण करण्यात आले. यावेळी राज्यपाल सी.पी.राधाकृष्णन, मुख्यमंत्री एकनाथ शिंदे, केंद्रीय सामाजिक न्याय व सक्षमीकरण राज्यमंत्री रामदास आठवले, उपमुख्यमंत्री देवेंद्र फडणवीस, ग्रामविकास मंत्री गिरीष महाजन, क्रीडा मंत्री संजय बनसोडे, महिला व बालविकास मंत्री आदिती तटकरे, लोकप्रतिनिधी व नागरिक उपस्थित होते.
उदगीर येथील बुद्ध विहार कर्नाटक येथील कलबुर्गीच्या बुद्ध विहाराची प्रतिकृती आहे. मुख्य प्रवेशद्वाराची रचना सांची स्तूपाप्रमाणे करण्यात आली आहे.