13.04.2024 : दृष्टिबाधित व्यक्तींसाठी समावेशक ऍटलासचे राज्यपालांच्या हस्ते प्रकाशन

13.04.2024 : राज्यपाल रमेश बैस यांच्या हस्ते दृष्टिबाधित व्यक्तींना स्पर्शाने समजण्याजोग्या ‘इन्कलुसिव्ह ऍटलास इंडिया २०२४’ या नकाशांच्या पुस्तकाचे राजभवन मुंबई येथे प्रकाशन करण्यात आले. नॅशनल असोसिएशन फॉर द ब्लाइंड (नॅब) या संस्थेने सदर ब्रेल तसेच सामान्य लिपीतून हा ऍटलास तयार केला आहे. ऍटलास प्रकाशन सोहळ्याला नॅबचे मानद महासचिव डॉ विमल कुमार डेंगला, मानद सचिव हरेंद्र कुमार मलिक, कार्यकारी संचालिका पल्लवी कदम, रमाकांत साटम, सुनील कपूर, गुंजना मालवीय आदी उपस्थित होते.