21.01.2024: राज्यपालांच्या प्रमुख उपस्थितीत मणिपुर, मेघालय व त्रिपुरा या तीन राज्यांचा राज्य स्थापना दिवस साजरा

21.01.2024: ‘एक भारत श्रेष्ठ भारत’ उपक्रमा अंतर्गत आज महाराष्ट्र राजभवन येथे राज्यपाल रमेश बैस यांच्या प्रमुख उपस्थितीत मणिपुर, मेघालय व त्रिपुरा या तीन राज्यांचा राज्य स्थापना दिवस साजरा करण्यात आला. त्रिपुरा येथून आलेल्या कलाकारांनी त्रिपुरा राज्याची लोकनृत्ये व संगीत सादर केले, तर मुंबईतील एचएसएनसी विद्यापीठाच्या विद्यार्थ्यांनी मणिपुर व मेघालय राज्यांचे लोकनृत्य सादर केले. यावेळी एचएसएनसी विद्यापीठाच्या कुलगुरु डॉ हेमलता बागला, अमेझिंग नमस्ते फाउंडेशनचे अध्यक्ष अतुल कुलकर्णी, मुंबई निवासी असलेले उत्तर पूर्व राज्यातील निमंत्रित नागरिक व एचएसएनसी विद्यापीठाचे शिक्षक व विद्यार्थी उपस्थित होते.