09.11.2023: राज्यपालांच्या प्रमुख उपस्थितीत महाराष्ट्र राजभवन येथे ‘उत्तराखंड राज्य स्थापना दिवस’ साजरा

09.11.2023: राज्यपाल रमेश बैस यांच्या प्रमुख उपस्थितीत महाराष्ट्र राजभवन येथे आज प्रथमच ‘उत्तराखंड राज्य स्थापना दिवस’ साजरा करण्यात आला. ‘एक भारत श्रेष्ठ भारत’ उपक्रमांतर्गत विविध राज्य व केंद्र शासित प्रदेशांचा सर्व राज्यांमध्ये स्थापना दिवस साजरा करण्याच्या प्रथेप्रमाणे उत्तराखंड राज्य स्थापना दिवस महाराष्ट्र राजभवन येथे साजरा करण्यात आला. यावेळी मुंबईतील उत्तराखंडी लोकांच्या ‘गढवाल भ्रातृ मंडल’, ‘हिमालय पर्वतीय संघ’ व ‘कौथिग फाउंडेशन’ या संस्थांच्या माध्यमातून उत्तराखंडच्या लोक संस्कृतीचे दर्शन घडविणारा सांस्कृतिक कार्यक्रम सादर करण्यात आला. यावेळी उत्तराखंडचे मांगल गीत, पूजा नृत्य, कुमाऊंनी झोडा नृत्य, लोकगीत, जौनसारी लोकनृत्य, एकल नृत्य आदी कार्यक्रम सादर करण्यात आले. राज्यपाल बैस यांच्या हस्ते तिन्ही संस्थांच्या पदाधिकाऱ्यांचा तसेच कलाकारांचा सत्कार करण्यात आला.