09.11.2023 : दीपावली निमित्त राज्यपाल रमेश बैस यांच्या शुभेच्छा

‘ध्वनी, वायु प्रदुषण टाळण्याचे आवाहन’

दीपावली निमित्त राज्यपाल रमेश बैस यांच्या शुभेच्छा

महाराष्ट्राचे राज्यपाल रमेश बैस यांनी राज्यातील सर्व नागरिकांना दीपावलीनिमित्त शुभेच्छा दिल्या आहेत.

दीपावलीचा प्रकाशोत्सव सर्व लोकांच्या जीवनात आनंद, संपन्नता व सुख-शांती घेवून येवो. हा सण साजरा करताना ध्वनी व वायु प्रदुषण टाळण्याचा प्रयत्न करावा, असे आवाहन करतो व सर्वांना दीपावलीच्या मंगलमयी शुभेच्छा देतो, असे राज्यपाल बैस यांनी आपल्या संदेशात म्हटले आहे.