06.10.2023: राज्यपालांच्या हस्ते ‘कार्डियाक इमेजिंग व क्लिनिकल कार्डिओलॉजी’ या विषयावरील तीन दिवसांच्या तिसऱ्या जागतिक परिषदेचे उदघाटन

06.10.2023: राज्यपाल रमेश बैस यांनी आज ‘कार्डियाक इमेजिंग व क्लिनिकल कार्डिओलॉजी’ या विषयावरील तीन दिवसांच्या तिसऱ्या जागतिक परिषदेचे हॉटेल ग्रँड हयात, सांताक्रुझ मुंबई येथे उदघाटन केले. यावेळी राज्यपालांच्या हस्ते ‘कार्डियाक इमेजिंग अपडेट – २०२३’ या पुस्तकाचे तसेच परिषदेच्या स्मरणिकेचे प्रकाशन करण्यात आले. उदघाटन सत्राला तिसऱ्या वर्ल्ड काँग्रेसचे अध्यक्ष डॉ सी एन मंजुनाथ, वर्ल्ड फेडरेशन ऑफ कार्डियाक इमेजिंग अँड क्लिनिकल कार्डिओलॉजीचे अध्यक्ष डॉ जी एन महापात्रा, इंदूरच्या श्री अरबिंदो इन्स्टिट्यूट ऑफ मेडिकल सायन्सेसचे संस्थापक आणि अध्यक्ष डॉ विनोद भंडारी, अणुऊर्जा नियामक मंडळाचे अध्यक्ष आणि अणुशास्त्रज्ञ दिनेश कुमार शुक्ला तसेच राष्ट्रीय आणि आंतरराष्ट्रीय प्रतिनिधी उपस्थित होते.