12.09.2023 : राज्यपालांच्या हस्ते दादा जे पी वासवानी यांच्यावर काढण्यात आलेल्या डाक तिकिटाचे प्रकाशन

12.09.2023 : राज्यपाल रमेश बैस यांच्या हस्ते आज अध्यात्मिक नेते व शिक्षणतज्ञ दादा जे पी वासवानी यांच्यावर काढण्यात आलेल्या डाक तिकिटाचे साधु वासवानी मिशन, पुणे येथे प्रकाशन करण्यात आले. यावेळी दादा वासवानी यांनी लिहिलेल्या ‘नरक से स्वर्ग की ओर’ (हिंदी) व ‘स्वतः सक्षम बना’ या दोन अनुवादित पुस्तकांचे प्रकाशन करण्यात आले. कार्यक्रमाला केंद्रीय दळणवळण राज्यमंत्री देवुसिंह चौहान, इंदोरचे खासदार शंकर लालवानी, आमदार सुनील कांबळे, साधू वासवानी मिशनच्या अध्यक्षा आर ए वासवानी, कार्याध्यक्ष दिदी कृष्ण कुमारी व डॉ बी आहुजा, उद्योजक निरंजन हिरानंदानी, पोस्ट मास्टर जनरल रामचंद्र जायभाये व निमंत्रित उपस्थित होते.