30.04.2023: राज्यपालांच्या उपस्थितीत ‘मन की बात’ या जनसंवादाच्या शंभराव्या भागाचे प्रदर्शन

30.04.2023: पंतप्रधान नरेंद्र मोदी यांच्या आकाशवाणीवरील ‘मन की बात’ या जनसंवादाच्या शंभराव्या भागाचे प्रदर्शन महाराष्ट्राचे राज्यपाल रमेश बैस यांच्या प्रमुख उपस्थितीत राजभवन येथे झाले. यावेळी हिवरे बाजारचे माजी सरपंच पोपटराव पवार, कोविड टास्क फोर्सचे सदस्य डॉ. शशांक जोशी, ‘डिक्की’चे संस्थापक मिलिंद कांबळे, भरडधान्य उद्योजिका व प्रचारक शर्मिला ओस्वाल, राज्यातील अनेक पद्म पुरस्कार विजेते, ‘मन की बात’ कार्यक्रमांमध्ये पंतप्रधानांनी उल्लेख केलेले राज्यभरातील युवक, विद्यार्थी व नागरिक उपस्थित होते. यावेळी चित्रपट सृष्टीतील माधुरी दीक्षित, शाहीद कपूर, रोहित शेट्टी, सोनू निगम, प्रसाद ओक, शैलेश लोढा, अनुराधा पौडवाल आदी उपस्थित होते. सुरुवातीला केंद्रीय संचार ब्युरो यांनी ‘मन की बात’ मधील भागांवर आधारित मांडलेल्या प्रदर्शनाला राज्यपालांनी भेट दिली. यावेळी त्यांनी केंद्रीय प्रकाशन विभागाच्या पुस्तक दालनाला देखील भेट दिली.