22.04.2023 : राज्यपालांच्या हस्ते बोरिवली येथे संरक्षण प्रदर्शनाचे उदघाटन

22.04.2023 : राज्यपाल रमेश बैस यांच्या हस्ते बोरिवली मुंबई येथील कोरा केंद्र मैदानावर आज सुरु होत असलेल्या दोन दिवसांच्या संरक्षण प्रदर्शनाचे उदघाटन संपन्न झाले. राज्यपालांनी प्रदर्शनाची पाहणी केली व हुतात्मा जवानांच्या मुलींना लॅपटॉप भेट दिले. ‘अथर्व फाउंडेशन’ या संस्थेने सैन्य दलांच्या सहकार्याने आयोजित केलेल्या या प्रदर्शनामध्ये भारताची संरक्षण सिद्धता दाखविणारी युद्धसामुग्री व उपकरणे ठेवण्यात आली आहेत. या ठिकाणी संरक्षण क्षेत्रातील तज्ज्ञांचे मार्गदर्शन, युद्ध कथा कथन, देशभक्तीपर गीतांचा कार्यक्रम आदी उपक्रम राबविण्यात येणार आहेत. संरक्षण प्रदर्शन उदघाटन सोहळ्याला खासदार गोपाल शेट्टी, अथर्व फाऊंडेशनचे अध्यक्ष आमदार सुनील राणे, प्रदर्शनाचे निमंत्रक कर्नल (नि.) सुधीर राजे, सैन्य दलातील अधिकारी व नागरिक उपस्थित होते.