19.04.2023: राज्यपालांच्या हस्ते ‘नवभारत’ वृत्तपत्र समूहातर्फे देण्यात येणारे ‘कॉर्पोरेट सामाजिक दायित्व पुरस्कार’ प्रदान

19.04.2023: राज्यपाल रमेश बैस यांच्या हस्ते आज ‘नवभारत’ वृत्तपत्र समूहातर्फे देण्यात येणारे ‘कॉर्पोरेट सामाजिक दायित्व पुरस्कार’ राजभवन मुंबई येथे समारंभपूर्वक प्रदान करण्यात आले. राज्यपालांच्या हस्ते स्थापनेच्या ९० व्या वर्षात पदार्पण करीत असलेल्या नवभारत वृत्तपत्राच्या बोधचिन्हाचे अनावरण करण्यात आले. कार्यक्रमाला उपमुख्यमंत्री देवेंद्र फडणवीस, विधानसभा अध्यक्ष राहुल नार्वेकर, नवभारत समूहाचे व्यवस्थापकीय संचालक निमिष माहेश्वरी, हिंदुजा रिन्युअल्सचे अध्यक्ष शोम हिंदुजा व युवराज ढमाले समूहाचे अध्यक्ष युवराज ढमाले उपस्थित होते. यावेळी राज्यपालांच्या हस्ते आदित्य बिर्ला शिक्षण न्यासाच्या अध्यक्ष नीरजा बिर्ला, गोदरेज उद्योग समूहाचे अध्यक्ष नादिर गोदरेज, बजाज फाउंडेशनचे अपूर्व बजाज, श्रेया घोडावत, रुबी हॉल क्लिनिकचे परवेझ ग्रांट, वाडिया हॉस्पिटलच्या मुख्याधिकारी मिनी बोधनवाला, रॅन समूहाच्या व्यवस्थापकीय संचालिका ग्रेस पिंटो आदींना सन्मानित करण्यात आले.