02.11.2022 : एसएनडीटी महिला विद्यापीठ – न्यूयॉर्क महाविद्यालय यांच्यात शैक्षणिक करार

एसएनडीटी महिला विद्यापीठ – न्यूयॉर्क महाविद्यालय यांच्यात शैक्षणिक करार

सिटी युनिव्हर्सिटी ऑफ न्युयॉर्क (सियुएनवाय) अंतर्गत बीएमसीसी हे अमेरिकेतील सर्वात मोठ्या सामाजिक महाविद्यालय व एसएनडीटी महिला विद्यापीठ यांच्यात झालेल्या शैक्षणिक सहकार्य करारावर आज राज्यपाल भगतसिंह कोश्यारी यांच्या उपस्थितीत राजभवन मुंबई येथे स्वाक्षऱ्या करण्यात आल्या.

यावेळी न्यूयॉर्क येथील बीएमसीसी सामाजिक महाविद्यालयाचे अध्यक्ष डॉ अँथनी मन्रो व महाविद्यालयाचे विद्यार्थी नोंदणी व्यवस्थापन विभागाचे प्रमुख संजय रामदत्त, अमेरिकेच्या प्रतिनिधी, एसएनडीटी महिला विद्यापीठाच्या कुलगुरु डॉ उज्वला चक्रदेव, प्रकुलगुरु प्रो. रुबी ओझा, कुलसचिव डॉ विलास नांदवडेकर, डॉ नितीन वाणी व विद्यापीठाच्या विविध महाविद्यालयांचे प्राचार्य तसेच विभागप्रमुख उपस्थित होते.

यावेळी आंतरराष्ट्रीय शिक्षणातील संधी व आव्हाने या विषयावर चर्चासत्र देखील संपन्न झाले.