15.08.2022 : राज्यपालांच्या उपस्थितीत सावित्रीबाई फुले पुणे विद्यापीठाचा समारोप संपन्न

15.08.2022 : सावित्रीबाई फुले पुणे विद्यापीठाच्या विद्यार्थी विकास मंडळ व राष्ट्रीय सेवा योजना यांच्या वतीने स्वातंत्र्याच्या अमृत महोत्सवी वर्षानिमित्त आयोजित युवा संकल्प अभियानाचा समारोप राज्यपाल तथा कुलपती भगतसिंह कोश्यारी यांच्या प्रमुख उपस्थितीत विद्यापीठाच्या खाशाबा जाधव क्रीडा संकुल येथे संपन्न झाला. विद्यापीठाने ‘राष्ट्रध्वजासह छायाचित्र’ या उपक्रमाअंतर्गत दीड लाखांपेक्षा अधिक युवकांचा सहभाग असलेला छायाचित्रांचा ऑनलाईन अल्बम तयार करून गिनीज बुकमध्ये विक्रम प्रस्थापित केल्याची घोषणा यावेळी करण्यात आली. गिनीज बुक ऑफ रेकॉर्डच्या प्रतिनिधीने या संदर्भातील प्रमाणपत्र राज्यपालांकडे सोपविले.