21.12.2022 : राज्यपालांच्या प्रमुख उपस्थितीत कविकुलगुरु कालिदास संस्कृत विद्यापीठाचा ११ वा दीक्षांत समारंभ सपंन्न

राज्यपालांच्या प्रमुख उपस्थितीत कविकुलगुरु कालिदास संस्कृत विद्यापीठाचा ११ वा दीक्षांत समारंभ सपंन्न

प्रो. श्रीनिवास वरखेडी यांना मानद डी.लिट. पदवी प्रदान

रामटेक येथील कविकुलगुरु कालिदास संस्कृत विद्यापीठाचा अकरावा दीक्षांत समारंभ राज्यपाल तथा विद्यापीठाचे कुलपती भगतसिंह कोश्यारी यांच्या प्रमुख उपस्थितीत बुधवारी (दि. २१) विद्यापीठ परिसरात संपन्न झाला.

कार्यक्रमाला नेपाळ संस्कृत विद्यापीठ, काठमांडू येथील संस्कृत विद्वान् डॉ. काशीनाथ न्योपाने, कविकुलगुरु कालिदास संस्कृत विद्यापीठाचे प्रभारी कुलगुरू मधुसूदन पेन्ना, केंद्रीय संस्कृत विद्यापीठाचे कुलगुरु प्रो. श्रीनिवास वरखेडी, कुलसचिव डॉ. रामचंद्र जोशी, परीक्षा नियंत्रक डॉ. स्मिता फडणवीस, व्यवस्थापन परिषद, विद्वत् परिषदेचे सदस्य, सर्व विभागांचे अधिष्ठाता आणि स्नातक व विशेष प्राविण्य प्राप्त विद्यार्थी उपस्थित होते.

राज्यपालांच्या हस्ते यावेळी श्रीनिवास वरखेडी यांना त्यांच्या आध्यात्मिक तत्त्वज्ञान आणि मराठी शाहिरी कविता यामध्ये संशोधनाकर‍िता विद्यावचस्पती (डी लिट) ही मानद पदवी प्रदान करण्यात आली.

दीक्षांत समारंभात संशोधनपर विद्यावाचस्पती (डी.लिट) तसेच १५ विद्यार्थ्यांना विविध विद्याशाखा अंतर्गत विद्यावारिधी (पीएच.डी.) पदवीने राज्यपालांच्या हस्ते गौरवान्वित आले. एकूण ४१ सुवर्ण पदकांसह १५ रोख पारितोषिके देखील यावेळी प्रदान करण्यात आली आहेत.