20.08.2024: सद्भावना दिनानिमित्त राज्यपालांनी दिली सद्भावना प्रतिज्ञा

सद्भावना दिनानिमित्त राज्यपालांनी दिली सद्भावना प्रतिज्ञा
दिवंगत पंतप्रधान राजीव गांधी यांना अभिवादन

दिवंगत पंतप्रधान राजीव गांधी यांच्या ८० व्या जयंतीनिमित्त राज्यपाल सी. पी. राधाकृष्णन यांनी मंगळवारी (दि. २० ऑगस्ट) राजभवनातील अधिकारी, कर्मचारी तसेच मुंबई पोलीस दलाचे अधिकारी व जवान व सार्वजनिक बांधकाम विभागाच्या कर्मचा-यांना सद् भावनाप्रतिज्ञा दिली.

सुरुवातीला राज्यपालांनी दिवंगत पंतप्रधान राजीव गांधी यांच्या प्रतिमेला पुष्पांजली वाहून अभिवादन केले.

“जात, वंश, धर्म, प्रदेश किंवा भाषा विषयक भेद न करता सर्व भारतीय जनतेचे भावनिक ऐक्य आणि सामंजस्य यासाठी काम करण्याची, तसेच सर्व प्रकारचे मतभेद हिंसाचाराचा अवलंब न करता संविधानिक मार्गानी सोडविण्याची” प्रतिज्ञा राज्यपालांनी यावेळी उपस्थितांना दिली.

यावेळी राज्यपालांचे प्रधान सचिव प्रविण दराडे व सहसचिव श्वेता सिंघल प्रामुख्याने उपस्थित होते.