19.01.2023 : पंतप्रधान नरेंद्र मोदी यांचे आगमन, स्वागत

पंतप्रधान नरेंद्र मोदी यांचे आगमन, स्वागत

पंतप्रधान नरेंद्र मोदी यांचे आज एक दिवसाच्या भेटीसाठी मुंबई येथे आगमन झाले. राज्यपाल भगतसिंह कोश्यारी, मुख्यमंत्री एकनाथ शिंदे, उपमुख्यमंत्री देवेंद्र फडणवीस यांनी त्यांचे स्वागत केले.

पंतप्रधानांच्या हस्ते मेट्रो मार्गिका २ अ (दहिसर पूर्व ते डी एन नगर) व मेट्रो मार्गिका ७ (अंधेरी पूर्व ते दहिसर पूर्व) चे उदघाटन करण्यात येणार असून बृहन्मुंबई मनपाच्या २० नवीन हिंदुहृदयसम्राट बाळासाहेब ठाकरे आपला दवाखानाचे देखील उदघाटन होणार आहे. पंतप्रधानांच्या हस्ते सांडपाणी प्रक्रिया, रुग्णालय बांधकाम व पुनर्विकास, रस्त्यांचे काँक्रीटीकरण, छत्रपती शिवाजी महाराज टर्मिनस रेल्वेस्थानकाचा पुनर्विकास आदी कामांचे भूमिपूजन होणार आहे.