11.06.2023- राज्यपालांच्या उपस्थितीत डॉ. शोमा घोष यांच्या परंपरा संगीत महोत्सवाचे उदघाटन संपन्न

राज्यपालांच्या उपस्थितीत डॉ. शोमा घोष यांच्या परंपरा संगीत महोत्सवाचे उदघाटन संपन्न

सांस्कृतिक मंत्रालयाच्या सहकार्याने तसेच ‘मधू मूर्च्छना’ संस्थेद्वारे आयोजित परंपरा संगीत महोत्सवाचे उदघाटन राज्यपाल रमेश बैस यांच्या प्रमुख उपस्थितीत रंगशारदा सभागृह, वांद्रे मुंबई येथे रविवारी (दि. ११) संपन्न झाले.

ज्येष्ठ गायिका व ‘मधू मूर्च्छना’ ट्रस्ट संस्थेच्या संस्थापिका डॉ शोमा घोष यांच्या पुढाकाराने आयोजित कार्यक्रमात संगीत व नृत्याच्या माध्यमातून देशाच्या कलावैभवाचा अविष्कार दाखविण्यात आला.

संगीताला धर्म, जात व भौगोलिक सीमा नसतात. कोणत्याही भाषेत संगीत असले तरी थेट हृदयाला भिडण्याची शक्ती त्यामध्ये असते असे राज्यपालांनी सांगितले. तानसेन यांच्या संगीतात दीप प्रज्वलित करण्याची शक्ती होती असे सांगतात, डॉ शोमा घोष यांचे संगीत देखील श्रोत्यांना संजीवनी देणारे आहे असे राज्यपालांनी सांगितले.

कार्यक्रमाला माजी मंत्री कृपाशंकर सिंह, अभिनेते धीरज कुमार, विनोद शेलार, अमरजित मिश्र व इतर मान्यवर उपस्थित होते.