02.10.2021: महात्मा गांधी व लाल बहादुर शास्त्री यांच्या जयंतीनिमित्त राजभवन येथे अभिवादन

महात्मा गांधी व लाल बहादुर शास्त्री यांच्या जयंतीनिमित्त राजभवन येथे अभिवादन
महात्मा गांधी यांच्या १५२ व्या जयंतीनिमित्त राजभवन येथे शनिवारी (दि. २) राज्यपालांचे प्रधान सचिव संतोष कुमार यांनी महात्मा गांधींच्या प्रतिमेला पुष्पांजली अर्पण केली. दिवंगत पंतप्रधान लाल बहादुर शास्त्री यांची देखील ११७ वी जयंती असल्यामुळे त्यांच्याही प्रतिमेला पुष्पांजली अर्पण करुन उभय महापुरुषांना वंदन केले.
यावेळी राजभवन येथील अधिकारी व कर्मचारी तसेच राजभवन येथे कार्यरत सार्वजनिक बांधकाम विभाग, विद्युत विभागाचे अधिकारी तसेच कर्मचाऱ्यांनी देख‍िल उभय महापुरुषांच्या प्रतिमांना अभिवादन केले.
राज्यपाल भगतसिंह कोश्यारी आज सेवाग्राम, वर्धा येथे जाणार असून महात्मा गांधी आंतरराष्ट्रीय हिंदी विश्वविद्यालयातर्फे आयोजित दिपोत्सव कार्यक्रमात सहभागी होणार आहेत.